Што е High School in USA

Тоа е 10 месечна академска програма со вклучено сместување, која им овозможува на квалификуваните интернационални средношколци да учат во локално средно училиште во САД и да живеат во американско семејство - домаќин.

Покрај образовен, оваа програма има и карактер на културна размена, овозможувајќи им на студентите единствена можност за стекнување со искуство на живеење во САД.

Датуми на програмата

Апликациите се примаат во текот на целата учебна година заклучно со 31 Мај. Квалификуваните студенти заминуваат за САД во текот на месец Август.

Критериуми за аплицирање

Критериумите за аплицирање на High School in USA програмата се воспоставени од страна USA Department of State, и секој апликант море задолжително да ги исполни за да се квалификува.

• Возраст помеѓу 15 и 18.5 години (не смее да наполни 19 пред 01 Февруари во програмската година)
• Успех во училиште поголем од 3.5 во текот на изминатите 3 учебни години
• Потребно ниво на познавање на Англиски јазик - задолжително полагање на Michigan тест во просториите на ZIP Travel, при што резултатот мора да е над 65% успешност.
• Здравствена состојба на задоволително ниво, како и потврда за примени сите потрабни вакцини.
• Проект на заедница - спремност за партиципирање во активности посветени на помагање, подобрување и поддржување на заедницата-домаќин како и луѓето кои живеат во неа.На овој проект секој студент поминува најмалку два дена во месецот.

Избор на регион

High School in USA програмата нуди можност на апликантите да го изберат регионот во САД во кој би сакале да учат и живеат.Изборот на регион се прифаќа со апликации поднесени до 31 Јануари. За оваа услуга се плаќа посебен надомест од 500 УСД.

Ориентација во New York

Секој квалификуван студент е должен да присуствува на една од ориентациите во New York, организирани од страна на Council of International Educational Exchange (CIEE), како прв чекор по пристигнувањето во САД.Тие се одвиваат во текот на Август и вклучуваат групни презентации, сесии, неформални прашања, разгледување на New York, организирана забава и др.